Sacramentum Gladiatorum - කඩු මල්ලවයන්ගේ සංස්කාරය

“ස්පාටකස්” තමන්ගේ කඩු මල්ලව සටන් පුහුණුව අවසානයේදී, අවසාන සුදුසුකම් ලැබීමේ පරීක්ෂණයට මුහුණ දෙනවා. ඒක පරික්ෂා වෙන්නේ එයාගේ ජීවිතය පරදුවට තියලා. සුළු දෙකින් ජීවිතය නැති වෙන තරමේ පරීක්ෂණයක්. මේ පරීක්ෂණයට මුහුණ දෙන්න කලින් “ලෙගාටස් ග්ලෙබර්” ගේ ආගමනයෙන් “ස්පාටකස්”ට ඔහුගේ බිරිඳ සතු යමක් ලැබෙනවා සිහිවටනයක් ලෙසට. පසුව “බැටියාටස්” පොරොන්දුවක් දෙනවා ඔහුගේ බිරිඳ වෙනුවෙන් පරික්ෂා කිරීම් කරන බවටත්, ඒ සඳහා “ස්පාටකස්” හට “බැටියාටස්” වෙනුවෙන් සටන් බිමට පිවිසෙන්නත් සිදුවෙනවා. ඒ කියන්නේ වක්‍රානුකූලව “බැටියාටස්” තමන්ගේ අදහස ඉෂ්ඨ කරගන්නවා. කොහොමහරි “කැපුවා” හි වීරයා වන “ක්‍රික්සස්” ව පරදවමින් පෙර පිනකට වගේ “ස්පාටකස්” පරීක්ෂණයෙන් සමත් වෙලා කඩු මල්ලවයෙක් විදිහට පුහුණු පාසලේ සාමාජිකත්වය ලබා ගන්න සමත් වෙනවා.