Revelations - හෙළිදරව් වීම්

එහෙනම් කලින් සතියේ කතාව බැලුවනේ. මතකනේ අන්තිමට “ස්පාටකස්” මොකද්ද සොයා ගත්තේ කියලා. ඔහු සොයා ගත්තා කව්ද “සුරාව” මැරුවේ සහ එහෙම කරන්න අණ දුන්නේ කව්රුන්ද කියා. එතැන් පටන් “ස්පාටකස්” නව අරමුණක් සොයා ගන්නවා ජිවිත සටන කරගෙන යන්න. ඒ තමා පළිගැනීම. තමන්ට අහිමි වුන දේවල් වලට වගකිව යුතු හැමෝගෙන්ම පළි ගන්න. ඊට අමතරව “බැටියාටස්” නඩුකාරයව මරල ඒ වෙනුවට “සොලොනියස්ව” ඉතා කූට ලෙස හසු කරනවා. එහෙම තමා කලින් කොටස අවසන් උනේ. එහෙනම් අද කතාව ගැන කියන්නම්, අද කතාව අවසානයේ “ස්පාටකස්ගෙන්” හොඳ සටනක් බලා ගන්න පුලුවන්. බොහෝ දෙනාගේ සිහින බලන් ඉන්න තැනම කඩා වටෙන දවසක් අද. මොකද හැමොම හොරෙන් බැඳපු වෙස් අද ගැලවෙනවා. “බැටියාටස්” විසින් නඩුකාරවරයාගෙන් ගිලිහුන අවස්ථාව “ඉලිතියාව” දඩමීමා කරගෙන ඇයගේ සැමියාගෙන් ලබා ගන්න උත්සාහයක් දරනවා. ඒ “ස්පාටකස්ට” ඉන්න තවත් සතුරෙක් වන “ක්ලෝඩියස් ග්ලෙබර්”. මේ අතර “ක්‍රික්සස්ට” අවසනයේ උදා වෙන්නෙත් අභාග්‍යය සම්පන්න ඉරණමක්.