Valkyrie - කුමන්ත්‍රණ සමග යුද්ධය ඇරඹේ

වැල්ක්‍රී පස්සේ ගිහිල්ලා කොහොමහරි එයාලට සන්නිවේදන ජාලය ක්‍රියාත්මක වෙන්නේ කොහොම කියලා හොයාගන්න පුළුවන්කම ලැබුණා. ඒ වගේම තමයි ශෝන් රැම්සේ විසින් නාවික හමුදාව නරක මිනිස්සු ටිකක් කියලා පෙන්වන්න රහසිගත ලියවිලි වගයකුත් පිට කරලා තිබුනා. මේ අස්සේ තමයි තෙල් අට්ටාලයට ගිහිල්ලා වැල්ක්‍රී හොයාගන්න සිද්ධ වුනේ. කොහොමහරි වැල්ක්‍රී ජාලය වගේම වැල්ක්‍රී ජාලය හදපු කෙනා හොයා ගන්නත් කණ්ඩායමට පුළුවන් වුනා. මේ අස්සේ ශෝන් රැම්සේ විසින් කරපු බොරු ප්‍රචාරයට රැවටුනු සිවිල් මිනිස්සු බෝට්ටුවකින් ඇවිල්ලා තෙල් අට්ටාලය පුපුරවලා දැම්මා. ඒකෙන් මෙතෙක් කාලයක් කතාවේ හිටපු චරිත කිහිපයක්ම නැතිවුනා. මේ සිදුවීමෙන් හැමෝටම තුවාල වුනා. ඒ වගේම තමයි කැප්ටන්ගේ ජීවිතයත් බොහෝම යන්තමින් තමයි බේරුනේ. මේ සිද්ධීයෙන් හැමෝටම වඩා තරහින් ඉන්නේ කැප්ටන් චැන්ඩ්ලර්. තමුන්ගේ තුවාලයත් තියාගෙන.