King of the Narrow Sea - පටු මුහුදේ රජු !

හැමෝම හොඳින් ඉන්නවා ඇති කියලා හිතනවා. මේ වෙද්දි HOTD S01 E04 බලන්න දැන් ඔයා සූදානම් ඇති. ඊට කලින් අපි HOTD S01 E03 කතාවෙ මොකෝ වුණේ කියලා බලමු.

කතාවේ මුලින්ම අපි දකිනවා, Crabfeeder ව. ග්‍රේ ස්කේල් රෝගයේ වේදනාව නිසාම මොළේ සවුත්තු වෙලා තියෙන්නෙ කියලා පේනවා. ඔහු බොහොම දරුණු විදිහට ප්‍රතිවාදීන්ට සලකනවා පෙනෙන්නේ ඒකයි. ශිෂ්ටාචාරයෙන් තොර වෛරයෙන් පැසවන, ඔහු සහ ඔහු නිසා ඇති වන යුද්ධ පිටත තියෙන ප්‍රධානම දේශපාලන ගැටලුවලින් එකක් විදිහට වෙස්ටරොස් වලට බලපාමින් තියනවා. අපිට පෙනෙනවා, අහිමි වෙමින් යන යුද්ධයක නටබුන් සෑහෙන ප්‍රමාණයක් පලවෙනි දර්ශනය ඇතුළෙම.

මේ යුද්ධය ආසන්න වශයෙන් වසර තුනක් පැවතිලා තියෙනවා. අන්ධකාර යුද භූමියට, ගින්දර සමග මකරෙකු පැමිණෙනවා. ඒ ඩේමන් ටාගේරියන්. එතනදී, මකරාගේ පැමිණීම පිළිබඳව ක්‍රැබ් ෆීඩර් ගෙන් වද විඳපු සිරකරුවා දක්වන්නෙ පුදුමාකාර සතුටක්. ඔහු හිතන්නේ, කුමාරයා ඔවුන්ගේ ගැලවීම වෙනුවෙන් එනවා කියලා. ඒත් ඩේමන් ගෙ මකරා අතින් ඔහු චප්ප චිරිස් වෙනවා. පෞ. ඔය අස්සෙ කාමරේ බඩු පෙරලපු ඇලිසන්ට්ව විසේරිස් බැඳලා. පුතෙක් ලැබිලා. අවුරුදු දෙකක් ඔහුට. තව පුතෙක් ඇලිසන්ට් බඩේ ඉන්නවා. දැන් ටික ටික රෙනෙයිරා ට තරගය ඉවර නෑ කියලා පෙනෙමින් තියනවා. වංශවතු බහුතරය රෙනෙයිරා ට ඉහළින් විසේරිස් ගෙ දෙවනි විවාහෙ ලොකු පුතා තියලා ඉවරයි. ඔවුන් ගෙ උත්සව එක්ක ඔවුන්ට යුද්ධය පවා මඟහැරිලා.. ඒත් විසේරිස්ට නම් මේ ගැන සහනදායී හැඟීමක් නෑ.

රෙනෙයිරා විසේරිස් සමඟ රණ්ඩු කරනවා. ඈව ලැනිස්ටර් වරුන්ට විකුණන්න යනවා කියලා. ඈ තරහ වෙලා, කැලෑවට යද්දි, ඈට නයිට්වරයෙක් වන ක්‍රිස්ටියන් එක් වනවා. ඔවුන් ට වල් ඌරෙක් සමඟ සටන් කරන්න වෙනවා. ඌට ලොකු මරණීය ප්‍රහාරයක් රෙනෙයිරා අතින් එල්ල වෙනවා. අන්තිමේදී ඌව කරත්තෙ බැඳන් පසුවදා උත්සවයට එද්දි..හැමෝගෙම ඇස් තිබ්බෙ ඈ දිහා.

හිත ටිකක් හරි සනසගන්න.. එගොන් වෙනුවෙන් සුදු ගෝනෙක් විසේරිස්ට හම්බුණේ නැතිවට රෙනෙයිරාට නම් සුදු ගෝනෙක් හමුවෙනවා. ඈ ඌ විනාශ කරන්නෙ නෑ. ඇය තමා ගැන සතුටකුත් තෘප්තියකුත් ලබනවා. ඩේමන් අයියාගෙ උදව් ගන්න තිබ්බ ප්‍රබල අකමැත්ත නිසා මරණීය මෙහෙයුමට යනවා. අපි ඒ අතරෙ, අලුත් මකරෙක් දකිනවා. වැලාරියොන් ගෙ. ඌත් නරක නැහැ. පදින කොල්ලට විවාහ යෝජනාවකුත් එයි ළඟදි. මොකද ඒ ගැන ස්ට්‍රෝන්ග් මහ රජුට උපදෙසකුත් දුන්නානෙ. මරණීය මෙහෙයුම ඩේමන් ජය ගන්නවා.

එහෙනම් අද කොටස බලමු.. මොන වගේ ප්‍රශ්න වලට වෙස්ටරෝස් චරිත මුහුණ දෙයිද කියලා..

බයිස්කෝප් උපුටා ගැනීමකි.