Second of His Name - ස්ටෙප්ස්ටෝන් සටන

හැමෝම HOTD සීසන් 01 තුන්වන එපිය බලන්න දැන් සූදානමින් ඇති කියලා අපි දන්නවා. පසුගිය episode එක වෙස්ටරොස් විශ්වයේ අපි බලාපොරොත්තු නොවන මට්ටමේ කතාංගයක් කිව්වොත් නිවැරදී. මඟුලක් වත් මරණයක් වත් නැතිව අවුල් වගේ නේ..

ඒත් බයවෙන්න එපා. ඉස්සරහට එක හැල්මේ සිදු වෙන්න නියමිත, විවාහ සහ මරණ ගොඩකට පාර කැපුව සහ කපන එපියක් විදිහට මේ දෙවැනි එපිය පත් වූ බව හඳුන්වන්න පුළුවන්. පළවෙනි එපියේ දේවල් සිදුවුන කාල පරාසයෙන් හය මාසෙකට වගේ පස්සේ තමා දෙවෙනි එපියේ කාල සීමාව ආරම්භ වෙන්නේ. මේ කාලය වෙනකොට ඩේමන් ටාගේරියන් (විසේරිස් රජුගෙ බාල සහෝදරයා) ඩ්‍රැගන්ස්ටෝන් වල බලය අල්ලගෙන ඉවරයි. ඒ වගේම තරුණ ඇලිසන් හයිටවර් නිතරම ‍රජතුමාගේ කුටියේ බඩු බිඳින්න සහ බඩු හදන්න පටන් අරන් කියලත් පෙනෙන්න තියෙනවා.

මේ අතරේ අපට රෙනේයිරා ඩේමන් මාමා දුන්නු මාලෙ දාගෙන ස්මෝල් කවුන්සිල් එකේ වයින් බෙදනවා පෙනෙනවා. ඈට ලොකු හඬක් තවම නෑ. රජුගෙ උරුමක්කාරයා ලෙස නම් දරා සිටියත්. ඇලිසන්ට් තමන්ටම තුවාල කරගන්නේ, බලය ගැන තියන පීඩනයට කියලා අපට පෙනෙන්න තියෙනවා.ඇය ඇයටම වේදනා දීම සම්බන්ධයෙන් ඇගේ පියා ඔට්ටෝ අනතුරු පවා අඟවනවා. ඔය අතරේ ඩේමන් ඔට්ටෝව සත පහකට මායිම් නොකළාට, රෙනෙයිරාට මකර බිත්තරේ දීලා එවන්න අමතක කරන්නෙත් නැහැ. ඔහොම තමා ඉතින්.. මාමලා ආදරේ වෙද්දි..
කොහොම කළත්, ඔට්ටෝ ගෙ සෙල්ලම් නම් නවතින්නෙ නැතුව ඉස්සරහටම යනවා කියලා, අපට දෙවෙනි එපියේ පෙනෙන්න තිබුණා. ඒත් රෙනෙයිරා තව උරුමකාරයෝ එනවට කැමති වෙයිද? දැනටනම් එයා ඒ දේවල් ඉතාම හොඳින් භාරගන්නෙ නැහැ කියලා අපිට පෙනෙන්න තියෙනවා. ඒ නිසා තමයි , එයා රජුගේ විවාහය ගැන නිවේදනය කලහම කවුන්සිලයෙන් පිටව යන්නේ. යාළුවට අම්මා කියන්න ලැජ්ජා හිතිලද දන්නෙත් නෑ හැබැයි… මෙතනදි රෙනී සහ රෙනෙයිරා කතාවත් මතක් කරන්නම ඕනෙ.. මම රැජිණ වුණාම අලුත් order එකක් හදනවා කියලා ඇය කියනවා. නියතවම ඈට රැජිණ වෙන්න ලොකු ආසාවක් තියෙනවා.

ඒ වගේම ඩේමන් සහ කෝර්ලිස් අතර සිදුවන කපටි සාකච්ඡාව ගැනත් අපිට අමතක අපට අමතක කරන්න බැහැ. ඒ සියල්ල දිගු අනාගතයකට පාර කපනවා. එහෙම නම් මේ දේවල් හැම එකක්ම මතකයේ තියාගෙන තුන්වෙනි එපිය බලන්න කියලා ඔයාට ආරාධනා කරනවා. රෙනෙයිරාගේ උරුමයට බලපෑම් වෙයිද? ඇලිසන්ට් තව දුරටත් රෙනෙයිරාගෙ හොඳම යාළුවාද? පිටත ලෝකය වෙස්ටරෝසයට කරන බලපෑම කොහොමද ? කවුරු මැරෙයිද ? කවුරු ඉපදෙයි ද ? කවුරු ජීවත් වෙයිද? අපි බලමු…

• බයිස්කෝප් උපුටා ගැනීමකි.