මම කොහොමද මේ සුපිරිම සුපිරි IMDB 9.6/10 ක් ගත්තු කතාව ගැන පොඩියෙන් හැඳින්වීමක් කරන්නේ. මෙහෙම ගම්මු මතකද Saving Private Ryan චිත්‍රපටිය? ඒකේ තිබ්බ නෝමැන්ඩි වෙරළට ගොඩ බැසීමේ මෙන්න මේ දර්ශනය? අන්න ඒ වගේ දර්ශන රැගත් මේ කතා මාලාව ඒ චිත්‍රපටියේ අධ්‍යක්ෂණය කරපු ස්ටීවන් ස්පිල්බර්ග් හා එහි රඟපෑ ටොම් හෑන්ක්ස් එක්ව සම නිෂ්පාදනයක් විදියට රැගෙන එන ලද්දක්. මේ කොටස් දහයකින් පමණක් සම්න්විත වෙච්ච මෙම රූපවාහිනී කතාංගයේ තේමාව වෙන්නේ නෝමැන්ඩි වෙරළට ගොඩ බහින්නට පැය කීපයකට කලින් ඊට උදව්වක් වශයෙන් කලින්දා රාත්‍රියේ නෝමැන්ඩි භූමියට පැරෂුට් භටයන් විදියට බැස්ස ඇමරිකානු 506 වැනි පාබල හමුදා රෙජිමේන්තුවට, 101 වැනි වාසර කොට්ඨාසයට අයත් E කණ්ඩායමේ දෙවන ලෝක යුද ක්‍රියාන්විතයයි. මේ කතා මාලාව අදටත් විවිධ රටවල විකාශය වන්නක්. ගෝල්ඩන් ග්ලෝබ් සම්මානයක් ඇතුළු සම්මාන 22කට හිමිකම් කියන්නක්. ඒකෙන්ම තේරෙනවනේ මේක කොච්චර සුපිරිම නිර්මාණයක්ද කියලා.

දෙවෙනි ලෝක යුද්ධයේ නැගෙනහිර යුද පෙරමුණට හා සමස්ත යුද්ධයටම හැරවුම් ලකුණක් වෙච්ච ස්ටාලින්ග්‍රාඩ් සටන මෙන්ම බටහිර යුද පෙරමුණට නෝමැන්ඩි ආක්‍රමණයත් අයත් වූ Operation Overlord මෙහෙයුම ඉතාම වැදගත් එකක් වුණා. විශේෂයෙන්ම අවුරුදු ගාණක් සටන් කරලා හෙම්බත් වෙලා හිටපු බ්‍රිතාන්‍යයේ මුවදොරටම ආ පසු; එනම් ජර්මානු හමුදාව ප්‍රංශය ආක්‍රමණය කළාට පසුව ජර්මනියට තව ඉතුරුවෙලා තිබුණේ මුහුද තරණය කොට බ්‍රිතාන්‍ය අල්ලා ගැනීම පමණයි. ඇමෙරිකාවේ දායකත්වයෙන් ශක්තිමත් වීම හා ස්ටාලින්ග්‍රාඩ් පරාජය මතින් ජර්මනිය ආක්‍රමණය කිරීම සදහා මෙම මෙහෙයුම ආරම්භයක් වුණ අතර මේ මෙහෙයුම සඳහා ආසන්න වශයෙන් භටයන් 130,000 – 156,000 අතර සෙබළුන් සහභාගී වූ බව සදහන්. ඉන් බාගයක්ම ඇමරිකානු හා ඉතිරිය පොදුරාජ්‍ය මණ්ඩලීය රටවලින් සහභාගී වූවන්. එලෙසම සිදූවූ ජීවිත හානියද අති මහත්. අපි ඒ ගැන විස්තර ඉදිරියේදි කතා කරමු.

පළමු කොටස වෙන්වන්නේ E කණ්ඩායම පුහුණුවීම හා ආක්‍රමණය පටන් ගැනීමට ඔන්න මෙන්න කියන තෙක් තිබෙන කතාවයි. ඒමෙන්ම හැම කොටසකම වගේ මුල් විනාඩියක් දෙකක් පමණ මෙම මුළු කතාංගය පුරා සිටින චරිත වල සත්‍ය හිමිකරුවන් කතා කරනවා පෙන්වනු ලැබුවත් ඒ කවුද යන්න අවසන් කතාව වනතෙක් හෙළිකරන්නේ නැහැ. ක්‍රියාදාම, ත්‍රාසජනකබව, හාස්‍ය සපිරුණු සත්‍ය සිද්ධීන් දැක්වෙන මේ චිත්‍රපටිය Saving private Ryan බලපු අයනම් අත අරින්නෙ නැති බව විශ්වාසයි. මේක නොබලන එක හරිම අපරාධයක් කියලා තමා මට කියන්න වෙන්නේ.